پاکستانی فلم و ڈرامہ انڈسٹری کی معروف اداکارہ و گلوکارہ عروہ حسین نے شوہر، اداکار و گلوکار فرحان سعید کے ہمراہ خوبصورت رومانٹک ویڈیو شیئر کی ہے۔
عروہ حسین کی جانب سے شیئر کی گئی ویڈیو میں اس خوبصورت جوڑی کو صبح سویرے ایک دوسرے کے ساتھ سمندر کنارے اپارٹمنٹ کی بالکونی میں دیکھا جا سکتا ہے۔
اداکارہ نے اپنی اس ویڈیو کے کیپشن میں اللّٰہ کا شکر ادا کرتے ہوئے لکھا ہے کہ ’ہر لمحہ کے لیے شکر گزار ہوں۔‘
عروہ حسین اور فرحان سعید کی اس رومانٹک ویڈیو میں صبح کے قدرتی خوبصورت نظارے بھی قابلِ دید ہیں۔