مانسہرہ کے تفریحی مقام شوگران میں سیاحوں کی گاڑی درخت سے ٹکرا جانے کی وجہ سے ایک بچہ جاں بحق جبکہ بچوں اور خواتین سمیت6افراد زخمی ہو گئے۔
پولیس کے مطابق سیاحوں کی گاڑی شوگران سے کوائی جارہی تھی کہ راستے میں اچانک بریک فیل ہو جانے کی وجہ سے سڑک کنارے درخت سے ٹکرا گئی،حادثے کی وجہ سے گاڑی میں سوار ایک ہی خاندان کے7افراد زخمی ہو گئے۔
زخمیوں کو فوری طور پر بالاکوٹ اسپتال پہنچایا گیا جہاں پر3خواتین اور2بچوں سمیت5افراد کو ابتدائی طبی امداد کے بعد فارغ کر دیا گیا جبکہ8سالہ اویس ایبٹ آباد لے جاتے ہوئے جان کی بازی ہار گیا۔