حیدرآباد میں پینےکے پانی کی عدم فراہمی کے خلاف شہداد پوری محلہ اور ملحقہ علاقہ مکینوں نے واسا کے خلاف ٹائر جلا کر احتجاج کیا۔
مشتعل احتجاجی مظاہرین نے میمن اسپتال چوک پر ٹائر جلا کر واسا کے خلاف نعرے بازی کی۔ مظاہرین کا کہنا تھا کہ شہداد پوری، جے پوری محلہ کے علاوہ دیگر علاقوں میں گذشتہ تین ماہ سے پینے کا پانی فراہم نہیں کیا جارہا ہے۔
پانی کی فراہمی معطل ہونے کی صورت میں واسا دفاتر میں متعدد بار شکایات درج کروائی ،لیکن مسئلہ حل نہیں کیاگیا۔