وزیراعلیٰ گلگت بلتستان حافظ حفیظ الرحمٰن نے کہا ہے کہ بندوق کے زور پر شہربند کرانا دہشت گردی ہے، عمران خان وہی کچھ کر رہے ہیں جو دہشت گرد کر رہے ہیں۔
لاہور میں میٹ دی پریس سے خطاب کرتے ہوئے حافظ حفیظ الرحمٰن نے کہا کہ شٹرڈاؤن اور پہیہ جام جمہوری عمل ہے، 2 نومبر کو حکومت کو 2 نمبر طریقے سے نمٹنا چاہیے۔
وزیر اعلیٰ گلگت بلتستان کا کہنا تھا کہ دیامر بھاشا ڈیم کے لیے زمین کی خریداری کا عمل مکمل کر لیا، وفاقی حکومت جب چاہے ڈیم کی تعمیر شروع کر سکتی ہے، واپڈا کے مطابق گلگت بلتستان میں پانی سے 40 ہزارمیگا واٹ بجلی بن سکتی ہے۔
وزیر اعلیٰ حفیظ الرحمٰن کا مزید کہنا تھا کہ گلگت بلتستان کو نیشنل گرڈ سے منسلک کر دیں تو اقتصادی راہداری کو بھی فائدہ ہوگا، کشمیریوں پر بھارت کا ظلم ناقابل برداشت ہے۔