کراچی کے علاقے تین تلوار پر فائرنگ سے سیکیورٹی گارڈ ہلاک ہوگیا ہے۔ پولیس نے خدشہ ظاہر کیا ہے کہ واقعہ ممکنہ طور پر خود کشی کا ہے۔
تین تلوار کے قریب ایک شخص کی گولی لگی لاش ملی ہے۔ پولیس کے مطابق مقتول کی شناخت اکرم کے نام سے ہوئی، جو کہ قریب ہی واقعہ ایک گھر میں سیکیورٹی گارڈ کے طور پر کام کررہا تھا۔
پولیس نے خدشہ ظاہر کیا ہے کہ واقعہ خود کشی کا ہوسکتا ہے۔ گارڈ کو گولی کنپٹی پر رکھ ماری گئی ہے۔ پولیس کا کہنا ہے کہ گارڈ کے ایک ہاتھ میں نشے کی بدبو بھی تھی، جبکہ واقعہ کے بعد گارڈ کا پسٹل جائے وقوعہ پر ہی موجود تھا۔