صوابی( نمائندہ جنگ)یونائٹیڈ نیشنز ایجو کیشنل سائنٹیفک اینڈ کلچرل آرگنائزیشن ( یونیسکو)کی کنٹری ڈائریکٹر مس ویبک جینسن نے گزشتہ روز غلام اسحاق خان انسٹی ٹیوٹ آف انجینئرنگ سائنسز اینڈ ٹیکنا لوجی ٹوپی ضلع صوابی کا دورہ کیا، اس موقع پرا نہوں نے جی آئی کے انسٹی ٹیوٹ کے ریکٹر اور ادارے کے دیگر اعلیٰ افسران سے ملاقات کی اور یونیسکو اور جی آئی کے انسٹی ٹیوٹ کے در میان ممکن تعاون پر تفصیلی تبادلہ خیال کیا گیا، ملاقات کے دوران دونوں اداروں کے آفیسرزگفت و شنید کا سلسلہ جاری رکھنے پر متفق ہو ئے ملاقات کے دوران پروفیسر ڈاکٹر جاوید اے چٹھہ پرو ریکٹر اکیڈمک، حسن بصیر شیخ پرو ریکٹر ایڈمن اینڈ پلاننگ اور انسٹی ٹیوٹ کے دیگر آفیسرز بھی موجود تھے۔ جی آئی کے انسٹی ٹیوٹ کے ریکٹر جہانگیر بشر نے یونیسکو کے کنٹری ڈائریکٹر مس جینسن کو نصابی وغیر نصابی سر گر میوں ، انسٹی ٹیوٹ میں پڑھائے جانے والے انجینئرنگ کے مختلف ڈسپلن اور منیجمنٹ سائنسز کے طلبہ و طالبات کی تعداداور دیگر سر گر میوں کے بارے میں بتاتے ہوئے کہا کہ جی آئی کے انسٹی ٹیوٹ پوٹو نکس انجینئرنگ اور سول انجینئرنگ کے شعبوں کو بھی بہت جلد شروع کر رہا ہے انسٹی ٹیوٹ کے اکیڈیمہ کی یہ خواہش ہے کہ انسٹی ٹیوٹ میں ایک واٹر ریسورسز سنٹر کو قائم کیا جائے، ملاقات کے دوران یونیسکو اور جی آئی کے انسٹی ٹیوٹ کے در میان بات چیت کا سلسلہ جاری رکھنے پر اتفاق کیا گیا۔