برطانیہ میں گذشتہ دنوں روایتی ہائی لینڈگیمز کا انعقاد کیا گیا جس میں سینکڑوں کی تعداد میں افراد نے حصہ لیا۔
برطانوی قصبے کیٹرک میں منعقد ہونے والے اسکاٹ لینڈ کے ان روایتی کھیلوں میں درخت کے تنے دور تک اچھالنے،وزنی بال اٹھانے،بھاری بھر کم ٹائر اْٹھانے اور بانس کے ذریعے بھاری بوریاں اچھالنے سمیت کئی دیگر مقابلوں کا انعقاد کیا گیا۔
ان مقابلوں میں ملک بھر سے آنے والے سینکڑوں کھلاڑیوں نے حصہ لے کر اپنی مہارت کا مظاہرہ کیا۔ایونٹ کے دوران روایتی موسیقی کا بھی اہتمام کیا گیا جس سے شرکاء لطف اندوز ہوئے۔