گوجرانوالہ میں نجی کالج کے میوزیکل کنسرٹ کے دوران اسٹیج گر گیا جس کے نتیجے میں گلوکارہ عینی خالد اور دس طالبات زخمی ہوگئیں۔
گوجرانوالہ کے جناح اسٹیڈیم میں نجی کالج کے زیر اہتمام میوزیکل کنسرٹ جاری تھا کہ بہت سی طالبات گلوکارہ عینی کے ساتھ سیلفی لینے ایک ساتھ اسٹیج پر چڑھ گئیں، جس پر اسٹیج ان کا وزن برداشت نہ کرسکا اورگرگیا۔ حادثے میں دس طالبات زخمی ہوگئیں، جنہیں طبی امداد فراہم کردی گئی۔
کالج کے پرنسپل پروفیسر سلیم کے مطابق گلوکارہ عینی خالد کو کندھے پر چوٹ آئی ، جس کی وجہ سے وہ پرفارمنس چھوڑ کر لاہور چلی گئیں۔