امریکا میں ایک ریڈیو پروگرام کی میزبان کے یہاں شو کے دوران ہی بچے کی پیدائش ہوئی ہے، بچے کا نام بھی سامعین نے ایک مقابلے کے بعد منتخب کیا۔
امریکی شہر سینٹ لوئس میں واقع دی آرک ریڈیو اسٹیشن سے مارننگ شو کرنے والی کسیڈے پروکٹر نامی میزبان نے شو کے دوران ہی بچے کو جنم دیا ہے۔
مقررہ وقت سے دو ہفتے قبل ہونے والی اس پیدائش کیلئے ریڈیو اسٹیشن کی انتظامیہ نے اسپتال کے اشتراک سے انتظامات کیے تھے۔
سات پونڈ وزنی اس بچے کا نام جیمسن رکھا گیا ہے جو کہ پروگرام کے سامعین نے ایک مقابلے کے بعد گذشتہ ماہ منتخب کیا تھا۔