میں آپ کے اخبار کی وساطت سے چیف جسٹس آف پاکستان کی توجہ اس امر کی جانب مبذول کروانا چاہتا ہوں کہ گزشتہ دو سال سے ای او بی آئی کی پنشن میں کوئی اضافہ نہیں ہوا، آخری بار اکتوبر 2015میں پنشن بڑھائی گئی تھی جبکہ اس دوران سرکاری ملازمین کی پنشن میں بجٹ میں دو مرتبہ اضافہ ہوا لیکن ای او بی آئی پنشنرز کو نظر انداز کردیا گیا۔ اس ہوشربا مہنگائی کے زمانہ میں 5250روپے کی پنشن نہ ہونے کے برابر ہے اور اس سے دوائوں کے اخراجات بھی پورے نہیں ہوتے۔ استدعا ہے کہ اس ضمن میں فوری طور پر اقدامات کیے جائیں اور ای او بی آئی کی پنشن بھی سرکاری ملازمین کی کم از کم پنشن کے مساوی کی جائے۔ چیف جسٹس آف پاکستان سے درخواست ہے کہ وہ اس معاملہ کا ازخود نوٹس لیتے ہوئے ای او بی آئی پنشنرز کو انصاف فراہم کریں۔
(تنویر اختر واسطی)
tanweerriazgmail.com