کچھ لوگ اپنی پرانی گاڑی کو بھی اس قدر سنبھال کر رکھتے ہیں کہ وہ دہائیاں گزر جانے کے باوجود نئی دکھائی دیتی ہے۔
اس طرح جنیوا میں جاری موٹر شو میں 18 سال پرانی اسپورٹس کار کو نئے روپ میں پیش کیا گیا ، جسے دیکھنے والے داد دئیے بغیر نہ رہ پائے۔
ایرو 8نامی یہ دیدہ زیب گاڑی 18 سال قبل جنیوا کے ہی موٹر شو میں پیش کی گئی تھی جسے تیار کرنے والی برطانوی کمپنی مورگن نے اسے اب نئے رنگ روپ میں پیش کیا ہے، جو نہ صرف دیکھنے میں بے پناہ دلکش ہے بلکہ اس کی صلاحیتیں بھی پہلے سے مزید بہتر کر دی گئی ہیں۔
یہ گاڑی اب 170میل فی گھنٹہ کی رفتار سے چلنے کی صلاحیت رکھتی ہے اور4عشاریہ 5سیکنڈز میں62میل فی گھنٹے تک پہنچ جاتی ہے۔
جنیوا موٹر شو میں اس انوکھی اور دلچسپ گاڑی کی قیمت 144000 برٹش پاؤنڈ رکھی گئی ہے۔