فٹبال لیجنڈکرسٹیانو رونالڈو کے ناقابل یقین دو گولوں کی بدولت ریال میڈرڈ نے ،یووینٹس کو چمپئنز لیگ کوارٹر فائنل کے فرسٹ لیگ میں تین صفر سے ہرادیا۔
چیمینز لیگ کے کوارٹر فائنل فرسٹ لیگ میں اٹالین سائیڈ یووینٹس اور اسپینش ریال میڈرڈکی ٹیمیں مد مقابل تھیں ،دونوں ٹیموں کا اسکواڈ مکمل تھا لیکن دونوں ٹیموں میں فرق صرف کرسٹایانو رونالڈو کا تھا۔
دونوں ٹیموں کے کھلاڑی پر جوش تھے ،لیکن پورے میچ کی جان تھے ،ریال میڈرڈ اسٹرائیکر ،کرسٹیانو رونالڈو ،جن کے دو ناقابل یقین گولوں نے ریال میڈرڈ کو کامیابی دلوادی۔
ان دو گولوں کے ساتھ رونالڈو مسلسل دس بار گول اسکور کرنے والے پہلے کھلاڑی بھی بن گئے ہیں۔رونالڈو نے کھیل کے تیسرے اور 64 ویں منٹ میں ،جبکہ مارسیلو نے کھیل کے 72 ویں منٹ میں گول اسکور کرکے ریال میڈرڈ کو یوینٹنس کے خلاف تین صفر سے کامیابی دلا دی ۔