دریائے سندھ میں پانی کی شدید قلت کے سبب جہاں آبادگاروں کو شدید مشکلات کا سامنا ہے تو وہیں خریف کی فصلوں کی بوائی نہ ہونے کے سبب پاکستان کی قومی فصل کپاس کی پیداوار اس سیزن میں 40 فیصد تک کم ہونے کا خدشہ ہے۔
دریائے سندھ میں پانی کی سطح کم ہونے کے باعث ان دنوں کوٹری بیراج ڈائون اسٹریم میں 70 فیصد پانی کی کمی کا سامنا ہے جبکہ کاشتکاروں کا کہنا ہے کہ پانی کی شدید قلت کے سبب خریف کا سیزن شروع ہوجانے کے باوجود کپاس، مرچوں اور دیگر فصلوں کی بوائی نہیں کی جاسکی جس کے باعث کپاس اور مرچوں سمیت دیگر فصلوں کی پیدوار تیس سے چالیس فیصد کم ہونے کا اندیشہ ہے۔
آبادگاروں کا کہنا ہے کہ پانی کاشتکاروں کے لئے زندگی اور موت کا مسئلہ ہے،جنہیں بروقت پانی نہ ملا تو نہ صرف پاکستان کو زرمبادلہ کی مد میں نقصان پہنچے گا بلکہ زراعت سے وابستہ افراد بھی بے روزگار ہوں گے۔