ماہ صیام اور مجرب ٹوٹکے

May 27, 2018
 

٭رمضان المبارک میں اکثر دوپہر یا شام کے اوقات میں سَر درد کی شکایت ہوجاتی ہے، لہٰذا5،10 منٹ تک آنکھیں بند کر کے گہرے گہرے سانس لیں،جب کہ نہانے سے بھی درد کم ہوجاتا ہے۔

٭سحری میں اگر سالن یا سبزی میں لیموں کا رس یا سرکے کے چند قطرے چھڑک لیں،تو دِن بَھر کھٹی ڈکاریں نہیں آتیں۔

٭افطار میں اگر تربوز، گرما، پپیتا یا خربوزہ کھایا جائے، تو معدے اور آنتوں کی کارکردگی بڑھ جاتی ہے۔

٭افطار میں گھر کا بنا ہوا تازہ پھلوں کا جوس استعمال کریں،کم زوری کا احساس نہیں ہوگا۔

٭سحری کے فوراً بعد آرام سے گریز کیا جائےکہ کچھ دیر لیٹنے سے نہ صرف طبیعت سُست ہوجاتی ہے، بلکہ معدے پر مضر اثرات بھی مرتب ہوتے ہیں۔نیز، پیٹ بھی پھولا سا محسوس ہوتا ہے۔

٭افطار سے سحر تک زیادہ سے زیادہ پانی پئیں، تاکہ قبض نہ ہو۔

٭کم نمک والی غذا استعمال کرنے سے دِن بھر پیاس کم لگتی ہے۔

(عشرت فاطمہ،لاہور)


مکمل خبر پڑھیں