اسد بیگ
خواب گم ہوگئے، آنکھ لگتی نہیں
تم کہاںکھوگئے، آنکھ لگتی نہیں
سرزمینِ محبت سے، دہکی ہوئی
درد کیا بو گئے، آنکھ لگتی نہیں
تیری چاہت کا کیسا کرشمہ ہے یہ
رتجگے ہوگئے ، آنکھ لگتی نہیں
زخم تھے رات،دل کو دُکھاتے رہے
داغ تھے دھو گئے، آنکھ لگتی نہیں
خواہشوں کے جہاں، حسرتوںکے کنول
بے وفا ہوگئے، آنکھ لگتی نہیں
ایک جیون تھا بوجھل، سفر در سفر
بوجھ تھا ڈھوگئے، آنکھ لگتی نہیں
وہ مناظر اسد، جن سے تھی زندگی
آنکھ سے کھوگئے، آنکھ لگتی نہیں