امریکی محکمہ دفاع نے افغانستان کے جنوبی صوبے اروزگان میں ہفتے کے روز ایک حملے میں ہلاک ہونے والے امریکی فوجی کی شناخت ظاہر کر دی ہے۔
پنٹاگون کے جاری کردہ بیان کے مطابق یہ فوجی ریاست کیلیفورنیا سے تعلق رکھنے والا کارپورل جوزف ماسیئل تھا، جو ضلع ترین کوٹ میں ایک افغان سکیورٹی اہلکار کی فائرنگ کے نتیجے میں مارا گیا۔
واقعے میں دو امریکی فوجی زخمی بھی ہوئے تھے جس کی تحقیقات جاری ہیں۔ افغانستان میں اس وقت تعینات امریکی فوجیوں کی تعداد چودہ ہزارہے۔