گورنر اسٹیٹ بینک کیخلاف 22 سینیٹرز کی درخواست مسترد

July 17, 2018
 

اسلام آباد ہائی کورٹ نے گورنر اسٹیٹ بینک طارق باجوہ کی تقرری قانون کے مطابق قرار دے کر پیپلز پارٹی اور تحریک انصاف کی درخواست مسترد کردی ۔

پی پی اور پی ٹی آئی کے 22سینیٹرز نے گورنر اسٹیٹ بینک کی تقرری کو ہائی کورٹ میں چیلنج کیا تھا اور استدعا کی تھی کہ انہیں عہدے سے فارغ کیا جائے ۔

آج جسٹس میاں گل حسن اورنگزیب نے فیصلہ سنایا اوردرخواست گزاروں کے اعتراضات مسترد کرتے ہوئے طارق باجوہ کی تقرری عین قانون کے مطابق قرار دی ۔

سابق چیئرمین ایف بی آر طارق باجوہ کو 7 جولائی 2017 کو 3 برس کے لیے اسٹیٹ بینک آف پاکستان کا نیا گورنر تعینات کیا گیا تھا ۔

16 اگست 2017 کو پیپلز پارٹی سے تعلق رکھنے والے سینیٹر تاج حیدر، فرحت اللہ بابر، سسی پلیجو، فاروق ایچ نائیک اور دیگر نے اس تقرری کو چیلنج کیا تھا۔


مکمل خبر پڑھیں