دعا فائونڈیشن کے تحت تھرپا رکر کےمستحقین میں گوشت کی تقسیم

August 29, 2018
 

تھرپارکر جہاں کے دیہی پسماندہ علاقوں میں زندگی پینے کے پانی اور خوراک کے لیے ترستی ہے عیدالاضحی کا تہوار کسی نعمت سے کم نہیں ہوتا، ہر سال کی طرح اس بار بھی دعا فائونڈیشن نے کراچی سے سینکڑوں میل دور ضلع تھرپارکر کے پسماندہ دیہی علاقوںمیں سنت ابراہیمی کے فریضے کا وسیع پیمانے پر انتظام کیا اور مستحقین کی بڑی تعداد میں گوشت تقسیم کیا۔

دعا فائونڈیشن کے چیئرمین عامر خان اور سیکریٹری ڈاکٹر فیاض عالم نے ضلع تھرپارکر سے واپسی پر تفصیلات بتاتے ہوئے کہا کہ دعا فائونڈیشن سے وابستہ افراد عید قرباں کے موقع پر ہر سال اپنی عید اہل خانہ کے بجائے کراچی سے سینکڑوں میل دور جاکر تھری باشندوں کے درمیان مناتے ہیں۔

امسال بھی ہم نے کراچی سے سینکڑوں میل دور ضلع تھرپارکر کی مختلف تحصیلوں مٹھی، ڈیپلو، اسلام کوٹ کے گوٹھوں مورانو، چوپنی، تحصیل ڈاہلی کے سخی سیار گوٹھ، تحصیل کلوئی کے حاجی ابراہیم خاصخیلی گوٹھ، حاجی بڈھ جونیجو گوٹھ اور تحصیل چھاچھرو کے گوٹھ بھاگی سال اور پیر جو تڑ گوٹھ میں سنت ابراہیمی کے فریضے کا بڑے پیمانے پر اہتمام کیا اور قربانی کا گوشت وہاں کے مستحقین میں تقسیم کیا۔


مکمل خبر پڑھیں