امریکا:150فٹ اونچی خطرناک رولر کوسٹر کی تیاری جاری

September 04, 2018
 

Your browser doesnt support HTML5 video.


زندگی میں ایڈونچر کے متلاشی افراد اپنی کمر کس لیں کیونکہ اب ہوگا ان کے اعصاب کا اصل امتحان جو سزا اور مزہ دونوں بیک وقت دے گا۔

جی ہاں، امریکی ریاست نارتھ کیرولینامیں ایک تھیم پارک میں اب بننے جارہی ہے ایسی خطرناک ترین رولر کوسٹر جو ڈھائی سیکنڈز میں زیرو سے42میل فی گھنٹہ کی رفتار کو چھو لے گی ۔

ایڈونچر کے شوقین افراد کے لئے تیار کی جانیوالی اس رولر کوسٹر کا مکمل ٹریک3,255فٹ لمبا ہے جبکہ زمین کی جانب96ڈگری پر سفر کرتے ہوئے یہ رولر کوسٹر جسم کے ساتھ ساتھ دماغ کو بھی گھما کر رکھ دے گی۔

کوپر ہیڈ اسٹرائیک(Copperhead Strik)نامی یہ رولر کوسٹر ایک رائیڈ میں پانچ مقامات پر قلابازیاں کھاتے ہوئے نیچے کی جانب سفر کریگی اور سپر ہیروز کی طرح اْڑنے کی دلچسپ آزمائش بھی فراہم کریگی۔

ا سٹیل سے بننے والی اس رولر کوسٹر کو تعمیر کرنے والی کمپنی کے مطابق جدید ترین ٹیکنالوجی سے آراستہ یہ رولر کوسٹر اگلے برس 2019میں موسم بہارمیں مکمل کرکے ایڈونچر کے دیوانوں کیلئے کھول دی جائیگی۔


مکمل خبر پڑھیں