کم جونگ کا ٹرمپ کو دوسری ملاقات کیلئے خط

September 11, 2018
 

امریکی صدر ڈونلڈ ٹرمپ کو شمالی کوریا کے رہنما کم جونگ ان کی جانب سے دوسری ملاقات کے لیے خط موصول ہوا ہے۔

وائٹ ہاؤس نے خط کو شمالی کوریا کی خطے سے ایٹمی ہتھیاروں کے خا تمے کی کوشش کے عزم کا اظہار قرار دے دیا۔

وائٹ ہاؤس کی ترجمان سارا سینڈرز کا کہنا ہے کہ خط جزیرہ نما کوریا کو غیر جوہری بنانے سے متعلق بات چیت کے حوالے سے واشنگٹن اور پیانگ یانگ کے درمیان سمٹتے ہوئے فاصلوں کی ایک مثال ہے۔

کم جونگ ان اور ٹرمپ کے درمیان پہلی ملاقات رواں سال جون میں سنگاپور میں ہوئی تھی۔

اگلے ہفتے جنوبی کوریا کے صدر مون جے ان پیانگ یانگ میں کم جونگ ان سے ملاقات کریں گے، دونوں سربراہوں کی یہ تیسری ملاقات ہوگی۔


مکمل خبر پڑھیں