اپوزیشن لیڈر شہبازشریف کے وکلاء نے کہا ہے کہ شہبازشریف کی بے گناہی کا کیس مضبوط ہے،ہمیں انصاف کی امید ہے۔
شہبازشریف کے وکلاء اعظم نذیر تارڑ اور امجد پرویز نے اپوزیشن لیڈر سے نیب کے لاہور آفس میں ملاقات کی ۔
ملاقات کے بعد میڈیا سے گفتگو میں وکلاء نے کہا کہ ملاقات نیب افسران کی موجودگی میں کرائی گئی ۔قانون کے مطابق ملزم کی وکیل سے ملاقات تنہائی میں ہوتی ہے۔
انہوں نے کہا کہ ملاقات کےد وران شہبازشریف بہت مطمئن تھے، قانون کے مطابق یہ ملاقات تنہائی میں ہونی چاہیے ، قانون کے مطابق نیب حکام کیمرے کی آنکھ سے صورتحال مانیٹر کر سکتے ہیں ، سن نہیں سکتے ۔