وزیر مملکت برائے داخلہ شہریار آفریدی کا کہنا ہے کہ وائرل ہونے والی ویڈیو جس میں وہ حافظ سعید سے متعلق بات کر رہے ہیں ،پرانی ہے۔ اس وقت وہ اپوزیشن میں تھے۔
وزیر مملکت نے اس سلسلے میں وضاحت کرتے ہوئے کہا ہے کہ یہ ویڈیو اس وقت کی ہے جب وہ حکومت میں نہیں تھے۔
شہریار آفریدی کا کہنا تھا کہ وہ اس وقت ایک وزیر ہیں اور ذمہ دار سرکاری اہلکار ہیں، انہیں اپنی ذمہ داریوں کا احساس ہے، وہ قومی مفاد سمجھتے ہیں اور انہیں اپنے فرائض کا بھی مکمل ادراک ہے۔