امریکی محکمہ دفاع پینٹا گون کی چیف ترجمان ڈینا وائٹ نے ادارے کے ملازمین کو ذاتی کاموں کے لیے استعمال کرنے کے الزامات کے بعد عہدے سے استعفیٰ دے دیا ہے۔
ڈینا وائٹ پر بے ضابطگیوں کا الزام لگایا گیا تھا اور اطلاعات تھیں کہ انہوں نے پینٹا گون کے ملازمین کو سودا سلف لانے جیسے ذاتی کاموں کے لیے استعمال کیا ہے۔
پینٹا گون کی چیف ترجمان نے اپنے استعفے میں الزامات کے درست یا غلط ہونے کے بارے میں کچھ نہیں کہا۔
ان کا کہنا ہے کہ وہ دکھی دل کے ساتھ استعفیٰ دے رہی ہیں۔
سماجی رابطے کی ویب سائٹ ٹوئٹر پر اپنے پیغام میں انہوں نے ٹرمپ انتظامیہ میں کام کا موقع دینے پر تشکر کا اظہار بھی کیا۔