مشیر اطلاعات سندھ مرتضیٰ وہاب کہتے ہیں عوام کو منی بجٹ سے تشویش تھی ایک نیا بم عوام پرگرادیا گیاہے۔
سندھ اسمبلی کے باہر صحافیوں سے گفتگو میںمشیر اطلاعات مرتضیٰ وہاب کا کہنا تھا کہ عوام کو منی بجٹ سے تشویش تھی ایک نیا بم عوام پرگرادیا گیاہے، غریبوں کو گھر دینے کے لیے قرض حسنہ کا اعلان کیا،عوام کے جو ہزاروں گھرگرائے گئے ،ان ٹوٹے ہوئے گھروں کو کیسےبنائیں گے؟
مرتضیٰ وہاب نے کہا کہ منی بجٹ میں صنعت کاروں کو فائدے دیے گئے اور غریب کے بچے کو دودھ سے بھی دورکردیا گیا۔
مشیر اطلاعات نے مزید کہا کہ تحریک انصاف کے دوستوں سے گزارش ہے کہ عوام دشمن بجٹ،بجلی ،گیس کی لوڈشیڈنگ اورنرخوں میں اضافے پر یوٹرن لیں۔