سیریز کے دوسرے ٹی ٹوئنٹی میں پاکستان وویمن نے ویسٹ انڈیز وویمن کرکٹ ٹیم کو جیت کے لیے 133رنز کا ہدف دیا ہے۔
پاکستان کی اننگز میں کپتان بسمہ معروف نے 31 رنز کی نمایاں اننگز کھیلی۔
جویرہ خان نے 26، ندا ڈار نے 25 اور عالیہ ریاض نے ناقابل شکست 23 رنز بنائے جبکہ ویسٹ انڈیز کی جانب سے ڈوٹن نے دو کھلاڑیوں کو آؤٹ کیا۔
یاد رہے گزشتہ روز ویسٹ انڈیز ویمن ٹیم نے تین ٹی ٹوئنٹی میچز پر مشتمل سیریز کے پہلے میچ میں پاکستان کو 71 رنز سے شکست دی۔
پاکستان کی بیٹنگ لائن کی جانب سے مایوس کن کارکردگی پیش کی گئی اور پوری ٹیم 18 اوورز میں 89 رنز پر ڈھیر ہوئی۔