کراچی کے نجی اسپتال میں نو ماہ کی بچی نشوا کو غلط انجکشن لگانے کے معاملے میں پولیس نے گرفتارملزم آغامعیز سے تفتیش کی روشنی میں مزید دو ملزمان کو گرفتار کرلیا ہے۔
پولیس کے مطابق گرفتار ملزمان میں نجی اسپتال کا ایڈمن انچارج شہبازاور نرسنگ انچارج عارف جاوید شامل ہیں جبکہ دیگر چار ملزمان کی گرفتاری کےلئے چھاپے مارے گئے ،گرفتار ملزمان کو ریمانڈ کےلئے کل عدالت میں پیش کیا جائے گا۔
پولیس کے مطابق اسپتال مالک عامر چشتی کو تفتیشی افسران کی جانب سے ایک اور نوٹس بھی بھجوادیا گیا ہے۔