شاہین اقبال اثر
محنت کرکے جنت لوٹو
ماہ صیامہ کی برکت لوٹو
جنت کے دروازے کھلے ہیں
اپنے رب کی نعمت لوٹو
قیمتی اس کی اک اک ساعت
اس کی اک اک ساعت لوٹو
اپنائو تقویٰ کی بلندی
عظمت لوٹو رفعت لوٹو
سردی، گرمی رکھو روزے
کرکے مشقت راحت لوٹو
پہلا عشرہ، عشرئہ رحمت
غفلت چھوڑو، رحمت لوٹو
دوسرا عشرہ عفو و کرم ہے
مانگو معافی قربت لوٹو
تیسرا عشرہ نار سے رخصت
خوش ہوجائو، رخصت لوٹو
پھر ہیں عیدالفطر کی خوشیاں
خوشیاں مناؤ فرحت لوٹو