کراچی (اسٹاف رپورٹر)منیجنگ ڈائریکٹر سندھ سالڈ ویسٹ مینجمنٹ بورڈ ڈاکٹر اے ڈی سجنانی کی ہدایت پر یومِ علی،21 رمضان کے سلسلے میں انتظامات کرلئے گئے ہیں،جس میں مساجد و امام بارگاہوں کے اطراف اورمرکزی جلوس کے راستوں کی صفائی ستھرائی بالخصوص ضلع شرقی ، جنوبی و ملیر میں صفائی ستھرائی شامل ہے، جبکہ سینیٹری عملہ جلوس کے دوران تعینات رہے گا، اس سلسلے میں ایگزیکٹو ڈائریکٹر آپریشن نثار احمد سومرو نے بولٹن مارکیٹ ، نمائش چورنگی ،نشتر پارک، کھارادر و دیگر علاقوں کا دورہ کر کے صفائی کی صورتحال کا معائنہ کیا۔