پاکستانی فلموں اور ٹیلی ویژن کی معروف اداکارہ ماہرہ خان نے پاکستان کرکٹ ٹیم کے کپتان سرفراز احمد کے انگلستان میں منقعد ہونے والے ورلڈ کپ کرکٹ کی افتتاحی تقریب میں قومی لباس زیب تن کرکے شرکت کرنے کو سراہا ہے۔انھوں پاکستان ٹیم کی کامیابی کے لیے اپنی نیک خواہشات کا اظہار بھی کیا۔
سرفراز احمد کے قومی لباس اور پاکستانی شناخت کو اجاگر کرنے پر پاکستان میں فنکاروں، کھلاڑیوں اور دیگر لوگوں نے اسکا بھرپور خیرمقدم کیا ہے۔
واضح رہے کہ بکھنگم پیلس میں منعقدہ تقریب میں قومی ٹیم کے کپتان سرفراز احمد نے دوسرے کپتانوں کے بر عکس پینٹ کوٹ کے بجائے اپنا قومی لباس شلوار قمیض اور سبز کوٹ زیب تن کیا۔جس کے باعث وہ بالکل منفرد نظر آئے۔