Advertisement

گرمی بڑھتے ہی گیسٹرو کے مریضوں میں اضافہ

June 08, 2019
 

گرمی کی شدت بڑھتے ہی گیسٹرو کے مریضوں میں اضافہ ہو گیا ہے۔

لاہور کے بڑے سرکاری اسپتالوں کی ایمرجنسی میں مریضوں کا رش لگا ہوا ہے ،نوجوان اور بچے سب سے زیادہ متاثر ہورہے ہیں۔

عید کے چار روز کے دوران تقریبا 5 ہزار گیسٹرو کے مریض سامنے آئے ہیں جن میں 3 ہزار جنرل اسپتال میں ،537 میو اسپتال میں،266 سروسز اسپتال میں گیسٹرو کے مریض آئے۔

طبی ماہرین کا کہنا ہےبازاری کھانوں سے پرہیز کریں اورگھر کے کھانوں کو ترجیح دیں۔

محکمہ صحت نے بھی سوشل میڈیا پر گیسٹرو سے بچاو کی آگاہی مہم شروع کر دی ہے۔

ڈی جی ہیلتھ ڈاکٹر ہارون کے جاری بیان میں انہوں نے شہریوں سے اپیل کی ہے کہ اچھے سے ہاتھ دھو کر کھانا کھائےاور اچھے سے کھانا پکا کر کھائیں۔


مکمل خبر پڑھیں