Advertisement

’رات نیا پاکستان بننے لگا تھا کہ آواز بند ہوگئی ‘

June 12, 2019
 

مسلم لیگ ن کی نائب صدر مریم نواز نے کہا ہے کہ رات خطاب میں نیا پاکستان بننے لگا تھاکہ اچانک آواز بند ہوگئی۔

ظفر وال میں جلسے سے خطاب میں مریم نواز نے وزیراعظم عمران خان کو ہدف تنقید بنایا۔

Your browser doesnt support HTML5 video.


انہوں نے کہا کہ معاف کرائے گئے قرضوں کی تحقیقات صرف گزشتہ 10 برس کی کیوں؟ وجہ صرف یہ ہے کہ اس سے پہلے لاڈلے کے آقا کی حکومت تھی۔

مریم نواز نے مزید کہا کہ 300 کنال میں رہنے والا ایک لاکھ ٹیکس دے کر عوام سے ٹیکس مانگ رہا ہے۔

ن لیگی رہنما نے کہا کہ کسی ایف بی آر میں جرات نہیں کہ ٹیکس کم دینے پر اسے کٹہرے میں کھڑا کرے۔

ان کا کہنا تھا کہ رات خطاب میں نیاپاکستان بننے والا ہی تھا اچانک آوازبند ہوگئی، نالائق اعظم عوام کو مشکل میں ڈال کر لندن بھاگ جائےگا۔

مریم نواز نے مزید کہا کہ خان صاحب مہنگائی بڑھنے کے سوال پر جواب دیں گے کہ نواز شریف اور آصف زرداری کو گرفتار کیا۔

انہوں نے یہ بھی کہا کہ نیازی کی حیثیت نہیں این آر او دینے کی، چند دن بعد خود این آر او مانگے گا،اب رونا دھونا نہیں چلے گا۔

ن لیگی رہنما نے کہا کہ نواز شریف نا جھکنے کی سزا بھگت رہے ہیں ، پورے ملک کے لئے ایک قانون اور لاڈلے کےلئے دوسرا قانون ہے۔

ان کا کہنا تھا کہ اس شخص کی جرات دیکھو ججوں کے خلاف ریفرنس بھیجتا ہے۔


مکمل خبر پڑھیں