یورپین پارلیمنٹ کے پہلے اجلاس میں یورپین ترانے پر برطانیہ کی بریگزیٹ پارٹی کے ارکان نے پیٹھ دکھا دی۔
یہ واقعہ اسٹراس برگ میں نئے انتخابات کے بعد یورپین پارلیمنٹ کے پہلے اجلاس کے دوران پیش آیا۔
فل ہاؤس اجلاس میں پارلیمنٹ کے صدر انتونیو تاجانی نے یورپین قومی ترانہ پیش کیے جانے کا اعلان کیا، جس کیلئے فنکار ہال میں داخل ہوئے اور موسیقاروں نے ترانے کی دھن بجانا شروع کردی۔
اسی دوران برطانیہ کی بریگزیٹ پارٹی کے تمام ارا کین نے اپنی سیٹوں پر ہی اپنا رخ دوسری جانب کر لیا اور صدارتی کرسی اور فنکاروں کو پیٹھ دکھا دی۔