وفاقی دارالحکومت اسلام آباد میں پلاسٹک شاپنگ بیگز کے استعمال پر پابندی لگادی گئی۔
وزیراعظم عمران خان کی زیر صدارت ہونے والے وفاقی کابینہ کے اجلاس میں اسلام آباد میں پلاسٹک شاپنگ بیگز کے استعمال پر پابندی عائد کرنے کا فیصلہ کیا گیا۔
وزیراعظم کے مشیر برائے ماحولیات ملک امین اسلم نے بتایا کہ پلاسٹک کے شاپنگ بیگز پر پابندی کا اطلاق 14 اگست سے ہوگا۔
ان کے مطابق 14اگست کے بعد پلاسٹک شاپنگ بیگز استعمال کرنے پر 50ہزار سے 5 لاکھ روپے تک جرمانہ ہوسکے گا۔