Advertisement

دھونی ویسٹ انڈیز کادورہ نہیں کریں گے

July 17, 2019
 

بھارتی کرکٹ ٹیم کے مایہ ناز وکٹ کیپر بیٹسمین اور سابق کپتان مہندرا سنگھ دھونی ویسٹ انڈیز کا دورہ کرنے والی بھارتی ٹیم کا حصہ نہیں ہوں گے۔

ایم ایس دھونی 2011ء میں کرکٹ ورلڈ کپ کی فاتح بھارتی ٹیم کے کپتان تھے اور انگلینڈ میں کھیلا گیا حالیہ ورلڈ کپ اُن کے کیریئر کا چوتھا ورلڈ کپ تھا۔

دھونی کا کہنا ہے کہ وہ دورہ ویسٹ انڈیز کے دوران تین ایک روزہ بین الاقوامی اور تین ٹی 20 میچز کے لئے دستیاب نہیں ہوں گے، جس کے بعد وہ بھارتی کرکٹ ٹیم میں ’’تبدیلی کے مرحلے‘‘ میں شریک ہوں گے۔

بھارتی اخبار نے ذرائع کے حوالے سے بتایا ہے کہ دورہ ویسٹ انڈیز کے بعد بھی دھونی ملکی اور غیرملکی دوروں میں بھی فرسٹ چوائس وکٹ کیپر نہیں ہوں گے۔ رشبھ پنت اُن کی جگہ لیں گے، اس دوران دھونی اُن کی گرومنگ کے لئے ٹیم کے 15 کھلاڑیوں میں شامل ہوں گے۔

بھارت کی قومی سلیکشن کمیٹی کا اجلاس جمعہ کو ہوگا، جس میں دورہ ویسٹ انڈیز کے لئے ٹیم کا انتخاب کیا جائے گا۔


مکمل خبر پڑھیں