ایران نے برطانوی تیل بردار بحری جہاز پکڑ لیا

July 20, 2019

ایران کے انقلابی گارڈز نے آبنائے ہرمز میں برطانوی تیل بردار بحری جہاز قبضے میں لے لیا۔ جہاز پر بین الاقوامی بحری قوانین کی خلاف ورزی کا الزام عائدکیا گیا ہے۔

ٹینکر کے سوئیڈش مالک نے اقدام کو جہاز پر حملہ قرار دیتے ہوئے کہا کہ عملے سے رابطہ نہیں ہو رہا۔ جہاز کو ایران کی طرف لے جایا جارہا ہے۔

برطانوی وزیر خارجہ جیرمی ہنٹ کہتے ہیں گلف میں دو برطانوی جہازوں پر قبضہ کرلیا گیا ہے جو ناقابل قبول اور انتہائی تشویش کی بات ہے۔

ادھر امریکا نے مذمت کی ہے اورکہا کہ ایران تشدد کو فروغ دے رہا ہے، صورت حال پر برطانیہ سے رابطے میں ہیں۔