کراچی (اسٹاف رپورٹر) کراچی سے اندرون ملک روانہ ہونے والی ٹرینیں مسلسل تاخیر کا شکار ہیں اور ٹرینوں کی آمد و رفت کا شیڈول کسی طور ریلوے حکام کے قابو میں نہیں آرہا، ریلوے حکام کے مطابق ہفتے کو پاک بزنس ایکسپریس سہہ پہر 4:00 کے بجائے شام 5:45 بجے، کراچی ایکسپریس سہہ پہر 4:30 کے بجائے 8:00 بجے اور سکھر ایکسپریس رات 10:15 کے بجائے رات 12:00 بجےروانہ ہوئی،مسافروں کے مطابق ریلوے انکواری سے درست معلومات فراہم نہ کرنے کے باعث انہیں پریشانی کا سامنا کرنا پڑرہا ہے۔