سائنس دانوں نے پہلی بار ایک ایسے سیارے پر زندگی کی بنیادی ضرورت پانی کو تلاش کیا ہے جہاں زندگی ممکن ہو سکتی ہے۔
خبر ایجنسی کےمطابق اس دریافت کی تفصیل سائنسی جریدے ’نیچر ایسٹرانومی‘ میں شائع کی گئی ہے، جس کے مطابق ہبل ٹیلی اسکوپ سے سیارے کے جائزے پر یہ دریافت سامنےآئی۔
ڈاکٹر انگو والڈمان کے مطابق سیارہ K2-18b زمین سے 111 نوری سال یعنی 650 ملین میل کے فاصلے پر ہے اور وہاں خلائی گاڑی بھیجنا ممکن نہیں۔
انہوں نے کہا کہ اس صورتحال میں وہاں زندگی کی موجودگی کے بارے میں معلوم کرنے کے لیے ہمیں خلا میں دیکھنے والی ٹیلی اسکوپ کے ان نئے ماڈلز کا انتظار کرنا ہو گا جو 2020 تک تیار ہوں گے۔
ان ٹیلی اسکوپس کی مدد سے اس سیارے کے ماحول میں ایسی گیس کی موجودگی کا پتہ چلا سکیں گے جو صرف زندگی کے وجود سے ہی پیدا ہوسکتی ہیں۔