مسلم لیگ ن کی سینئر رہنما اور سابق وفاقی وزیر سائرہ افضل تارڑ نے پی ٹی آئی حکومت پر الزام لگایا ہے کہ نالائق ٹولہ تاریخی کرپشن میں ملوث ہے۔
ایک بیان میں سائرہ افضل تارڑ نے مطالبہ کیا کہ پولیو پروگرام میں کرپشن کی اطلاعات کی تحقیقات کرائی جائیں۔
انہوں نےکہا کہ وزیراعظم عمران خان کے سابق فوکل پرسن برائے انسداد پولیو بابر بن عطا کے بارے میں رپورٹس بھی سامنے لائی جائیں۔
ن لیگی رہنما نے مزید کہا کہ پے در پے واقعات بتارہے ہیں کہ نالائق ٹولہ تاریخی کرپشن میں ملوث ہے۔
ان کا کہنا تھا کہ عمران نیازی کے کرپٹ ٹولے کو استعفوں کے پیچھے چھپنے نہیں دیں گے۔