امریکا میں جج نے خاتون وکیل سے حلف لیتے ہوئے وکیل کا شیر خوار بچہ اپنے گود میں اُٹھایا لیا، جس کی ویڈیو سوشل میڈیا پر وائرل ہوگئی۔
سوشل میڈیا پر ایک خاتون وکیل کی ویڈیو وائرل ہو رہی ہے جس میں حلف لینے والے جج نے خاتون کا بچہ گود میں اٹھایا ہوا ہے۔
ویڈیو میں دیکھا جا سکتا ہے کہ امریکا کی ریاست ٹینیسی کی اپیل کورٹ کے جج رچرڈز ڈنکنز نے ٹینیسی بار کی وکیل جولیانا لامر ٹینیسی سے حلف لیتے ہوئے اُن کے ایک سالہ بیٹے کو بھی گود میں لیا ہوا ہے۔
خاتون وکیل جولیانا لامر نے بتایا کہ میرے بچے کو گود میں تھامنے کی ذمہ داری جج ڈنکنز نے لے لی اور انہوں نے حلف لیتے وقت میرے بچے کو اپنی گود میں تھام لیا۔
سوشل میڈیا پر یہ ویڈیو وائرل ہونے کے بعد جج ڈنکنز کے اس عمل کو صارفین کی جانب سے خوب سراہا گیا۔