آپ نے ہمیشہ ہی یہ سنا ہوگا کہ بندروں کو کیلے کھانا بہت پسند ہیں اور زیادہ کیلے کھاتے ہی دیکھے گئے ہیں، تاہم تھائی لینڈ کے ایک بندر نے کیلا کھانے سے ہی انکار کردیا۔
غیر ملکی ویب سائٹ کی رپورٹ کے مطابق تھائی لینڈ میں کچھ سیاح اپنی گاڑی میں سفر کر رہے تھے کہ ان کی اس گاڑی کی کھڑکی کے قریب ایک بندر آبیٹھا۔
سیاح نے اس بندر کو دیکھتے ہی اپنے تھیلے میں سے اس کا پسندیدہ پھل کیلا نکالا اور اسے تھمادیا، لیکن بندر نے یہ نہیں کھایا اور اسے پھینک دیا۔
ویڈیو میں دیکھا جاسکتا ہے کہ پہلے اس شخص نے بندر کو کھیرے کا ٹکڑا دیا لیکن بندر نے یہ لینے سے انکار کیا۔
بعد میں جب اس کو اس کا من پسند کیلا دیا تو اس نے وہ بھی پھینک دیا اور اس کے بعد جب اسی بندر کو کیلے کے بجائے کرپس کی پیشکش کی گئی تو اس نے یہ قبول کرلی۔
بندر سیاح کے ہاتھوں سے آلو کی کرپس کو لے کر چلا گیا۔