مرکزی رویت ہلال کمیٹی کے چیئرمین مفتی منیب الرحمٰن نے اعلان کیا ہے کہ ماہِ رجب کا چاند نظرنہیں آیا، یکم رجب المرجب بدھ 26 فروری اور شبِ معراج 22 مارچ (اتوار اور پیر کی درمیانی شب) کو ہوگی۔
مرکزی رویتِ ہلال کمیٹی پاکستان کا اجلاس مفتی منیب الرحمٰن کی زیرِ صدارت محکمہ موسمیات کے دفتر میں ہوا۔
اجلاس میں مرکزی اور زونل رویتِ ہلال کمیٹیوں کے ارکان سمیت محکمہ موسمیات اور سپارکو کے ماہرین نے شرکت کی۔
پاکستان کے کسی مقام سے چاند نظر آنے کی کوئی شہادت موصول نہیں ہوئی، جس کے بعد اتفاقِ رائے سے فیصلہ کیا گیا کہ یکم رجب المرجب بروز بدھ 26 فروری 2020ء کو ہوگی اور شبِ معراج 22 مارچ (اتوار اور پیر کی درمیانی شب) کو ہوگی۔