لاہور قلندرز کو شکست سے کون بچا سکتا ہے؟

February 26, 2020

پاکستان ٹی وی انڈسٹری کے معروف اداکار اسد صدیقی نے اہلیہ زارا نور عباس پر بنا ایک میم شیئر کردیا۔

پاکستان شوبز انڈسٹری کی معروف جوڑی اسد صدیقی اور زارا نور عباس اکثر ایک دوسرے کے لیے مزاحیہ و طنزیہ پوسٹ شیئر کرتے رہتے ہیں ۔

اسد صدیقی کی جانب سے اپنے انسٹاگرام اکاؤنٹ پر ایک اسٹوری شیئر کی گئی جس میں زارا نور کی کرکٹ کھیلتے ہوئے ایک سین کی تصویر ہے۔

تصویر میں پی ایس ایل کے سیزن فائیو میں لاہور قلندرز کی مسلسل شکست پر مزاحیہ انداز اپناتے ہوئے کہا گیا ہے کہ لاہور قلندرز کو صرف ایک یہ کھلاڑی شکست سے بچا سکتا ہے۔

اسد کے اکاؤنٹ سے شیئر کیا گیا ٹوئٹ ایک سوشل میڈیا ایکٹوسٹ کا ہے جنہوں نے یہ ٹوئٹ لاہور قلندرز اور ملتان سلطانز کے مابین سنسنی خیز میچ میں لاہور قلندرز کی شکست کے بعد کیا تھا۔

واضح رہے کہ لاہور قلندرز کی ٹیم پی ایس ایل کے سیزن فائیو میں اب تک کامیابی سمیٹنے میں ناکام رہی ہے اور پوائنٹس ٹیبل پر آخری پوزیشن پر موجودہے۔