فیڈرل انوسٹیگیشن ایجنسی کی جانب سے کارروائی کے نتیجے میں انسانی اسمگلنگ کا نیٹ ورک چلانے والا پولیس آفیسر گرفتار کر لیا گیا ہے۔
فیڈرل انوسٹیگیشن ایجنسی کے مطابق کارروائی کے دوران سیالکوٹ کی تحصیل سمبڑیال سے اسلام آباد پولیس کے ایک اے ایس آئی کو گرفتار کیا گیا ہے، ملزم انسانی اسمگلنگ کی رقم وصول کرنے سمبڑیال آیا تھا۔
ایف آئی اے کے مطابق گرفتاری کے دوران ملزم سے دو پاسپورٹ بھی برآمد ہوئے ہیں جبکہ ملزم کے خلاف مقدمہ درج کر لیا گیا ہے۔
پولیس کو دیئے گئے ملزم کے بیان کے مطابق ملزم 2013 ء میں لیبیا کے سفارت خانے میں سیکیورٹی انچارج تعینات تھا، سیکیورٹی ڈیوٹی کے دوران اس کے انسانی اسمگلرز سے تعلقات بنے تھے۔