لاہور میں لاک ڈاؤن کے دوسرے روز بھی مکمل طور پر عملدرآمد نہ ہو سکا اور لوگ سڑکوں پر گھومتے رہے۔
لوگوں کا کہنا ہے کہ مٹر گشت کی عادت جان نہیں چھوڑتی تاہم شہر کی مختلف شاہراہوں پر پولیس چوکس نظر آرہی ہے۔
لاہور میں ٹریفک دیکھ کر لگتا نہیں کہ لاک ڈاؤن ہے۔ پولیس نے دھرم پورہ، گڑھی شاہو، علامہ اقبال روڈ اور بڑی سڑکوں پر ناکے لگا رکھے ہیں تاہم موٹرسائیکل، رکشے اور کاریں رواں دواں ہیں۔
پولیس روکے تو موٹر سائیکل سوار منچلے خاردار تاریں بھی عبور کر لیتے ہیں۔ کئی مقامات پر پولیس نے بھرے رکشے خالی کرادیئے اور کہیں واپس موڑ دیئے۔