کورونا وائرس کے اثرات کے پیش نظر آسٹریلین کرکٹ ٹیم کے بنگلا دیش اور انگلینڈ کے دورے خدشات کا شکار ہوگئے۔
میڈیا رپورٹس کے مطابق آسٹریلیا کرکٹ ٹیم کے آئندہ ٹورز منسوخ ہونے کا امکان ہے، ٹیم نے جون میں بنگلا دیش میں 2 ٹیسٹ میچز کی سیریز کھیلنا تھی۔
ذرائع کے مطابق آسٹریلیا بنگلا دیش ٹیسٹ سیریز کا آغاز 11 جون سے شیڈول ہے، اس کے بعد آسٹریلیا نے جولائی میں انگلینڈ میں مختصر دورانیے کی کرکٹ کھیلنا ہے۔
واضح رہے کہ بنگلا دیش کرکٹ ٹیم کی آئرلینڈ کے خلاف سیریز پہلے ہی ختم کی جا چکی ہے۔