اگر جیب میں پیسے ہیں اور کورونا وائرس کی وجہ سےآئسولیشن بھی درکار ہے تو سوئٹزرلینڈ کا لگژری ہوٹل یہ مسئلہ حل کرسکتا ہے۔
سوئٹزرلینڈ کے ایک لگژری ہوٹل نے کورونا وائرس سے پیدا ہونے والی صورت حال میں آئسولیشن میں قیام کی مہنگی پیشکش کی ہے۔
ہوٹل انتظامیہ تمام تر جدید سہولیات سے آراستہ آئسولیشن روم میں ایک رات قیام کے آٹھ سو سے دو ہزار ڈالر تک وصول کررہی ہے۔
آئسولیشن روم میں قیام کے دوران آپ کی درخواست پر ذاتی معالج اور شیف سے ملاقات کا بندوبست بھی کیا جاسکتا ہے۔
ہوٹل میں ہوم آفس، جم اور اسپا جیسی سہولتیں بھی میسر ہوں گی۔