ترجمان سندھ حکومت بیرسٹرمرتضیٰ وہاب نے کہا ہے کہ سندھ حکومت کے کورونا ایمرجنسی فنڈ میں عطیات جمع ہونے کا سلسلہ جاری ہے۔ اور اس حوالے سے صوبائی حکومت کو مزید چھ کروڑ 84 لاکھ سے زائد کے عطیات موصول ہوئے ہیں۔
بیرسٹر مرتضیٰ وہاب نے اپنے ایک ٹوئٹر پیغام میں کہا کہ 861 مختلف شخصیات نے سندھ حکومت کے کورونا ایمرجنسی فنڈ میں عطیات جمع کرائے ہیں۔ اس سلسلے میں سندھ حکومت عطیات دینے والے تمام افراد کی شکر گزار ہے۔
انہوں نے کہا کہ مذکورہ بالا رقم اس کے علاوہ ہے جو تین ارب روپے سندھ حکومت نے کنٹری بیوٹ کیے۔