ایڈیٹر انچیف جیو اور جنگ گروپ میر شکیل الرحمٰن کی نیب کے ہاتھوں گرفتاری پر سیاسی، سماجی، عدالتی، سفارتی اور صحافتی حلقوں کی مذمت کا سلسلہ جاری ہے۔
سینئر وکیل حامد علی خان نے کہا ہے کہ نیب جب چاہتی تھی میر شکیل کو بُلا لیتی تھی، اس کے بعد اُن کی گرفتاری کا کوئی جواز نہ تھا۔ اس گرفتاری کا مقصد آزادانہ خبریں دینے سے روکنا ہے۔
اکرم شیخ ایڈووکیٹ نے گرفتاری کو غلط قرار دیتے ہوئے کہا کہ میر شکیل الرحمٰن کی گرفتاری آزادی صحافت پر اتنا بڑا حملہ ہے کہ چیئرمین نیب استعفیٰ دے کر بھی اس کی تلافی نہیں کرسکتے، عدالت کو اس کا نوٹس لینا چاہیے۔