وزیر اعظم عمران خان نے اپنے برطانوی ہم منصب بورس جانسن کےلیے نیک خواہشات کا پیغام بھجوایا ہے۔
وزیر اعظم عمران خان نے اپنے ایک خط میں کہا ہے کہ وہ برطانوی وزیراعظم بورس جانسن کی جلد صحت یابی کےلیے دعا گو ہیں۔
وزیر اعظم نے بورس جانسن کے نام خط میں مزید کہا کہ کورونا وائرس پر قابو پانے کے لیے دونوں ملکوں کو مل کر کام کرنے کی ضرورت ہے۔
واضح رہے کہ برطانوی وزیراعظم چند روز قبل کورونا وائرس کا شکار ہوگئے تھے، جس کے بعد سے وہ زیرعلاج ہیں۔