پاکستان کرکٹ ٹیم کے سابق کپتان، سینئیر پلیئر اور آل راؤنڈر شعیب ملک نے سابق کپتان اور کرکٹ تبصرہ نگار رمیز راجہ کو بھی ریٹائرمنٹ کا مشورہ دے دیا۔
شعیب ملک نے رمیز راجہ کی جانب سے انہیں اور محمد حفیظ کو ریٹائرمنٹ کا مشورہ دینے پر کہا ہے کہ رمیز بھائی میں آپکی تجویز سے اتفاق کرتا ہوں۔
انہوں نے اپنے ایک ٹوئٹ میں ازراہ مذاق کہا کہ اب جبکہ میں، حفیظ اور آپ، اپنے کیریئر کے اختتام پر ہیں تو آئیے ہم اکٹھے باعزت طور پر ریٹائر ہوجاتے ہیں۔ میں نے 2022 اپنی ریٹائرمنٹ کا پلان بنایا ہے۔